رنگ وطن: نصیر احمد

Showing posts with label نصیر احمد. Show all posts

Sunday, 18 August 2024

جدید پنجابی شاعری

پانویں لو نہ مانن دے

بھورا کو تے چانن دے

چنگا تارے تیرے سہی

وچوں روڑ تے چانن دے

وکھی وچوں نکلی سی

صدقے جاواں ہانن دے

جدید پنجابی شاعری

جے کر مار کے سٹ آیا ایں میرے وچوں میں

فر کیوں چانن ول نئیں آیا ہنیرے وچوں میں

صدقے جاواں اڑیا تیری چونڑ دے صدقے جاواں

ایڈے رنگ برنگے چار چوفیرے وچوں میں

ہُن جے میتھوں مُکر سکناں ایں تے مُکر جا

ہُن تے دسن لگ پیا واں تیرے وچوں میں

نصیر احمد

جدید پنجابی شاعری

نظر دی برچھی کھبدی اے کلیجے تیک نئیں لگدی

میری سرکار دی اج تے طبیعت ٹھیک نئیں لگدی

ندیدی اکھ پئی آکھے کہ؛ چُسکی گھٹ نہ ہووے

ادا موسم دی کہندی اے؛ تیرے توں ڈِیک نئیں لگدی

نصیر احمد

جدید پنجابی شاعری

روشنی دی کھیڈ رنگاں دا کھلارا ڈوب دے

اکھ پئی آکھے مِرے اندر نظارا ڈوب دے

تُبکیا! دَسیا سی تینوں وَل دریا ہوں دا

اس دا مطلب ایہ نئیں سی شہر سارا ڈوب دے

نصیر احمد