رنگ وطن: احمد سلیم

Showing posts with label احمد سلیم. Show all posts

Saturday, 5 October 2024

جدید پنجابی شاعری

اجے تاں خلقت

بُھکھ دی کالک دے ساگر وچ ڈُبدی

اجے تاں خلقت

ننگے پنجر، ٹھردے پِنڈے

اجے تاں روٹی کپڑے دے چانن نوں سہکن

ہتھ تہاڈے ایہناں دی تقدیر

جدید پنجابی شاعری

گجرات

ویکھ کے پھٹ سینے دے چناں

تُوں وی ہسدے پُھلاں دی گل سوچی

ہونٹھاں اُتے آئیاں ہوئیاں کُوکاں

تُوں وی اپنے کنیں سُنیاں

سڑکاں اُتے سدھراں دے زخمی پرچھاویں

تُوں وی اپنی اکھیں ڈِٹھے

جدید پنجابی شاعری

چولا دِلاں دا لیر و لیر ایدھر

اوس منے وی جِند بے حال پِھردی

سُوہے جوڑے نُوں ایتھے وی تاپ چڑھدا

کوئی اوتھے وی کھول کے وال پھردی

تیرے پِنڈ وی چوڑیاں ٹُٹدیاں نیں

میرے چک وی ہونٹھاں تے پُھل وِکدے

میرے من دی سَسی وی روز مردی