رنگ وطن: حفیظ عامر

Showing posts with label حفیظ عامر. Show all posts

Sunday, 10 November 2024

جدید پنجابی شاعری

اڈن لگیاں کدے سہارے منگے نئیں

میں کسے دے کھنب ادھارے منگے نئیں

لنگھ گئے نیں میرے وی بچپن دے دن

پیسے نئیں سن کول غبارے منگے نئیں

حفیظ عامر

جدید پنجابی شاعری

دعاواں ختم ہو گئیاں, دوائیاں ختم ہو گئیاں

خداواں آپ کہہ چھڈیا خدائیاں ختم ہو گئیاں

جو ساڈا قتل کردے سن تے اپنے گھر نوں بھردے سن

اوہ مُورکھ آکھدے نیں اج، کمائیاں ختم ہو گئیاں

جنہاں دے ہتھ میں چُمنے سن جنہاں دے پیر گُھٹنے سن

اوہ بُڈھڑے ختم ہو گئے نیں، اوہ مائیاں ختم ہو گئیاں

جدید پنجابی شاعری

کیہ دسیئے کیہ کیہ بیتیاں

اساں خون پیالیاں پیتیاں

اساں رنگ مٹی دا ویچ کے

اساں لال زمیناں لیتیاں

اساں آپے اکھیاں ساڑیاں

اساں آپے بلہیاں سیتیاں

جدید پنجابی شاعری

چھڈّ وے اڑیا بانہہ میں تینڈے نال نئیں جانا

دل نوں جیہڑا لگ چکیاے زنگال نئیں جانا

ایس ورہے کیہہ توں مینوں نگھ بخشیں گا

پچھلیاں سالاں دا جے تاپ سیال نئیں جانا

اینویں میرے سر دی سونہہ نا کھا وے اڑیا

میں کلیاں ای جانا تیرے نال نئیں جانا