تیرے درداں مارے نیں

 جدید پنجابی شاعری

تیرے درداں مارے نیں

اوکھے ڈنگ گزارے نیں

ہتھوں چُھٹے چپُو تے

اکھیوں دُور کنارے نیں 

قیمت دینی پینی ایں 

ایہہ تے ساہ اُدھارے نیں

اوہ تکنوں وی تے ریہندا نہیں

 جدید پنجابی شاعری

اوہ تکنوں وی تے ریہندا نہیں 

پر دل دی گل وی کہندا نہیں 

بس کچھڑ چکی پھرنا واں

دل بال اے اک تھاں بہندا نہیں

توں میرے قد نوں میچیں گا؟

جا ایڈا نا ڈھو بہندا نہیں

زور اے کی تقدیراں نال

 جدید پنجابی شاعری

زور اے کی تقدیراں نال

رُسیا ہتھ لکیراں نال

مرزا وِجھا تیراں نال

صاحباں رل گئی ویراں نال

دل ہو جاندے وانگ مسیت

ٹر کے ویکھ فقیراں نال

سارا عالم ہے دیوانہ میرے آقا دا

 جدید پنجابی شاعری پنجابی نعت

سارا عالم ہے دیوانہ میرے آقاﷺ دا

نوکر ازلاں تیک زمانہ میرے آقا دا

ہر تگڑے دی تگڑے نال ای یاری ویکھو گے

ہر ماڑے دے نال یرانہ میرے آقا دا

بوہے آیا منگتا خالی جاندا تکیا نہیں

ایڈا اے لجپال گھرانہ میرے آقا دا

سکھ پئے وسن تیرے ول

 جدید پنجابی شاعری

سکھ پئے وسن تیرے ول

دکھ دا ڈیرہ میرے ول 

چانن پاسے تھوڑے نیں

بوہتے لوک ہنیرے ول

قسمے ساہ ودھ جاندے نیں

تکیاں تیرے چہرے ول 

ہوئی نالوں ودھ نہیں کیتی

جدید پنجابی شاعری

 ہوئی نالوں ودھ نہیں کیتی

اپنی فطرت بد نہیں کیتی

ہور کسے دی منی ناہی

تیری کدے وی رد نہیں کیتی

کیتا نی اک سجدہ تینوں 

انج تے دس ہاں حد نہیں کیتی