ہِک سُکھ تے دُکھ ہزار وے یار سلامت رہو
ساہ ساہ نال جِند آزار وے یار سلامت رہو
ہِک پاسے کلّی جِندڑی، ڈر بدنامی دا
ہِک پاسے کُل بزار وے یار سلامت رہو
اسّاں عِشق نماز بنا کے سجدے سر سٹیا
تُوں کیتا کاروبار وے یار سلامت رہو
اسِیں اپنا دُکھ مُکا کے تیرے کٹھ دے وِچ
چھڈ دِتّے قول قرار وے یار سلامت رہو
ساڈے ہور اصُول محبتاں وِچ قُربانیاں دے
تیرا ہور طریقہ کار وے یار سلامت رہو
ساڈے اندر ہلکی پھاٹ بنائی ہوئی مُدّتاں دی
سانُوں سُٹیائ ادھ وِچکار وے یار سلامت رہو
فرحت عباس شاہ
