بسنتی سورج سامنے کوٹھے اتے اک خاندان

بسنتی سُورج سامنے کوٹھے اُتّے اِک خاندان

تِنّاں وِچّوں سب جھُوٹے نیں یاں تِنّوں نیں سچے

تِن فریق نیں سُورج سامنے مرد، عورت تے بچے

اِک دُوجے توں ڈرے ڈرے تے اِک دُوجے توں اَکّے

اندروں تِنّوں نِکھڑے ہوئے نیں، باہروں لگن کَٹّھے

خاکی رنگ دی عورت تے کُجھ ہرے رنگ دے بچے

اِک پاسے اِک مرد ہے جیس دے فکر کوئی جان نہ سکے

جس نُوں سُورج سمجھ نہ آوے، ناں عورت، ناں بچے

منیر نیازی