نیانا
ہتھ چھڑا کے نَس جاناں ایں
ساڈیاں مُشکاں کَس جاناں ایں
ساڈے دل نُوں سُنجیاں کر کے
کیہڑے دل وِچ وَس جاناں ایں
لگے لانے سب سدّے نیں
تُوں نئی ںمُڑ دا
تَرلیاں نال تُوں نال نئیں جڑدا
ہن جے میرے ہتھ لگا تُوں
جھاکا دے کے بھج وگا تُوں
ہن میں تینوں جان نئیں دینا
نواں تماشہ لان نئیں دینا
پِچھے بھج کے پھڑ لینا اے
بانہواں دے وچ تڑ لینا اے
آخری واری لڑ لینا ایں
روز روز دے ایس جھگڑے کوئی
کوئی سیانا پا کے رکھنا
ترے پھرونتل پیراں دے وِچ
اسیں نیانا پا کے رکھنا
محمد سلیم طاہر
نیانا ؛ اوہ رسی اے جیہڑی دُدھ دوھن ویلے گوالے گاواں مجھاں دے پیراں چ بندھے نیں کہ ارام نال دُدھ دوھ لیا جائے۔
No comments:
Post a Comment
Note: only a member of this blog may post a comment.