اَدّھی راتیں چُپ چُپِیتے
اَدّھی راتیں چُپ چُپِیتے
نازک کُڑی محلّے دی
بنھ کے گٹھڑی روگاں والی
وِچ دریا دے روڑھن چلّی
نوّیں پرانے دُکھ
شوہ دریا دے کنڈھے کنڈھے
ملّاحواں دیاں قبراں
ڈِگّے ڈھٹّھے رُکھ
ٹھنڈی واہ دے بُلّھے
سُنج مُسنجا رَستہ
کَل مکلّی ذات
مُڑ کے گھر نہ آئی
کدّے نہ پائی جھات
خبرے اوتھے ہووے
جِتّھے لوکی کہندے
چِھی مہینیاں دا دِن ہوندا اے
چِھی مہینیناں دی رات
اشفاق احمد
