چِٹے رنگ وِچ سوہنا لگے، تیرا چِٹا رنگ
جے توفیق ہوئے تے میرے نہیریاں وِچوں لنگ
میرے اندر لَو کر دِتّی، تیری اَکھ بلوری
مینُوں پینگھ ہلارے دِتّے، تیری رنگلی ونگ
تیرے بارے سوچاں تے پُھل چار چفیرے کِھڑدے
توں جے ہس کے بول پویں تے ساہ سوّلا آوے
تیری مہر ہوئے تے لہہ جائے، لیکھاں اُتوں زنگ
نیویں پا کے لنگھن والیا تینوں خبر نئیں کائی
تیرے ناں دا ہوکا دیندا پِھردا اے اک ملنگ
خورے کتھے سوں گیا تیرے وعدیاں والا سون
میری چھت تے نچدا پھردا اے سورج، ننگ دھڑنگ
میرے اُتّے بے موسم دی بارش وانگوں وَس جا
میرے نال نہ رُس رُس کے بہو، میرے نال نہ سنگ
محمد سلیم طاہر
No comments:
Post a Comment
Note: only a member of this blog may post a comment.