Sunday, 29 December 2013

یارو عشق دا کھیڈ اولا

یارو عشق دا کھیڈ اَوَلّا
بندہ پِھردا بَن کے جَھلّا
کِنّی خلقت چار چوفیرے
اوہدے باہجوں میں ہاں کَلّا
رَبا ہُن تے ڈاہڈے رُل گئے
دے دے سانوں کوئی پَلّا
میری شور چہ سُن دا کوئی نئیں
کَتھے جا جا پانواں ہَلّا
جِندڑی دے سَن کم ہزاراں
کِیہ کِیہ کردا کَلم کَلّا
چن دے وانگوں لشکاں مارے
اوہدی چِیچی دے وِچ چَھلّا
گوہرؔ دُنیا کِیہ کرنی اے
میرا تے ہے اللہ ای اللہ

امتیاز علی گوہر

No comments:

Post a Comment

Note: only a member of this blog may post a comment.