شاعری انج وی ہو سکدی اے
جویں تُسیں کوئی شہر وساؤ
ون سونّے کوٹھے پاؤ
بس یاداں دا آون جاون ہووے
لاگت بازی، تھوڑ دِلی نہ ساڑا ہووے
اک دُوجے توں وِچھڑن دا نہ یارا ہووے
بُلھا آوے، مادھُو رنگ جماوے
دُھواں دُھخے وچ مرشد والا
غالب شعر سناوے
میر دلیلوں رد نہ ہووے
ہر دل عشق سماوے
پریاں نچّن، سب جی کُھل کے ہسّن
شاعر دا کوئی ویس وی ہندا؟
مجنوں کھیس نہیں ہُندا
شہر وسیندا مرضی نال
گل بنڑدی اے عرضی نال
مظہر ترمذی
No comments:
Post a Comment
Note: only a member of this blog may post a comment.