پہولے لوک ڈڈیالاں نے
پھسے وچ جنجالاں
آبائی جائیداد قربانی دِتی
جائے پیدائش نشانی دتی
یادِ بچپن جوانی دتی
دِتے خاب خیالاں نے
پہولے لوک ڈڈیالاں نے
پھسے وچ جنجالاں نے
اک وار نہیں دو دو بار ڈُبے
آبا و اجداد نے گھر بار ڈُبے
اک دو نہیں بے شمار ڈُبے
قبراں ڈُبیاں مسجد مزار ڈُبے
وڈیاں دے ارمان سن جہڑے
منگلا ڈیم نے وشکار ڈُبے
نالے ڈبیاں ہل پنجالاں نے
پہولے لوک ڈڈیالاں نے
پھسے وچ جنجالاں نے
غیراں ہاتھوں لُٹن ہوندے
تھانے دے وچ کُٹن ہوندے
چُھریاں نال اے ٹُکن ہوندے
نہیں جواب سوالاں نے
پہولے لوک ڈڈیالاں نے
پھسے وچ جنجالاں نے
بجلی گیس تے پانی کوئی نی
سہولتاں آلی کہانی کوئی نی
علاج نی اتھے آسانی کوئی نی
مندے حال ہسپتالاں نے
پہولے لوک ڈڈیالاں نے
پھسے وچ جنجالاں نے
معیار تعلیم مول نی اتھے
پہجے ترُٹے سکول نی اتھے
پہری مٹی دھول نی اتھے
خطرے پئی جان نونہالاں نے
پہولے لوک ڈڈیالاں نے
پھسے وچ جنجالاں نے
ٹُٹیاں پہجیاں سڑکاں اتھے
ٹرالی وانگوں کھڑکاں اتھے
ایویں مارنے پھڑنکاں اتھے
لیڈر چلدے چالاں نے
پہولے لوک ڈڈیالاں نے
پھسے وچ جنجالاں نے
اکثر محکمے کم نہیں کردے
کسے کولوں مول نہیں ڈردے
نوٹاں نال پئے جیباں بھردے
ہر کوئی کہندا جلو ڈڈیالاں
پہولے لوک ڈڈیالاں نے
پھسے وچ جھنجالاں نے
روڈاں اُتے پئے نی کھڈے
جھٹکے لغن وڈے وڈے
کیوں نہ بوٹا فیر گالاں کڈے
کٹن دن زوالاں نے
پہولے لوک ڈڈیالاں نے
پھسے وچ جنجالاں نے
کردے سب کاروبار نے اتھے
وسدے لوک باہر نے اتھے
مستری مزدور دکاندار نے اتھے
لاہندے پُٹھیاں کھالاں نے
پہولے لوک ڈڈیالاں نے
پھسے وچ جنجالاں نے
جہڑا آیا اک واری اتھے
اُس فیر زندگی گزاری اتھے
موٹر سائیکل توں کہندی لاری اتھے
آئے ہوئے کئیاں سالاں نے
پہولے لوک ڈڈیالاں نے
پھسے وچ جنجالاں نے
وسدے لوک کمال نی اتھے
چلدے پونڈ ریال نی اتھے
لائے غیراں جال نی اتھے
لِکھاں ورق حوالاں نے
پہولے لوک ڈڈیالاں نے
پھسے وچ جنجالاں نے
اکثر لوک انگلینڈ وچ وسدے
محنت مزدوری کم پئے کردے
نالے غریب نا پیٹ وی پہردے
سنڑدے سب دیاں کالاں نے
پہولے لوک ڈڈیالاں نے
پھسے وچ جنجالاں نے
ہے رب دی کرم نوازی اتھے
حاجی نیک نمازی اتھے
مدفن شہید تے غازی اتھے
دیندی دنیا مثالاں نے
پہولے لوک ڈڈیالاں نے
پھسے وچ جنجالاں نے
شوخی اساں شریف جے بندے
کتنے وی ہوون دن پئے مندے
کم نی کیتے کدی وی گندے
مالک آں نیک اعمالاں نے
پہولے لوک ڈڈیالاں نے
پھسے وچ جنجالاں
جاوید اقبال شوخی
No comments:
Post a Comment
Note: only a member of this blog may post a comment.