شہر دے وسنیک سارے برف دے
پُتلے بے جان سارے برف دے
زندگی ہوئی اے ڈانواں ڈول اج
لگدے لقمان سارے برف دے
چیکیا انسان چڑھ کے دار تے
ہو گئے دھنوان سارے برف دے
کرن پئے بے حُرمتی انسان دی
بن گئے شیطان سارے برف دے
ویچدے یوسف نوں اَٹی مُل توں
مصر تے کنعان سارے برف دے
ڈِگدے نیں پہاڑ راحت! قہر دے
فر وی نیں بلوان سارے برف دے
اقبال راحت
No comments:
Post a Comment
Note: only a member of this blog may post a comment.