چُپ دی بُکل مار کے سوں گئے
مِلن دے خاب اسار کے سوں گئے
اکھاں رو رو انھیاں ہوئیاں
روندے روندے ہار کے سوں گئے
پیار، محبت، عشق، وفا دی
وکھری گل کھلار کے سوں گئے
سُُفنے دے وِچ مِلیا جد اوہ
اوہدی زُلف سنوار کے سوں گئے
ویکھ حُسن نہ ہوش کھڑائیے
پلّو مُکھ تے ڈار کے سوں گئے
سلیم نہ چلی چال کوئی وکھری
تن من یار تے وار کے سوں گئے
محمد سلیم
No comments:
Post a Comment
Note: only a member of this blog may post a comment.