ساہواں والا چکا رکدا جاندا اے
انج لگدا اے پینڈا مکدا جاندا اے
نفرت بھریاں ڈھپاں دے وچ سڑ سڑ کے
ہریا بھریا رکھ وی شکدا جاندا اے
خود نُوں بیٹھا ککھاں دے سنگ تول رہیاں
ککھاں والا پلڑا جھکدا جاندا اے
اوہدے مکھ توں گھنڈ اُتار کے پچھاں گا
بدلاں اوہلے چن کیوں لکدا جاندا اے
جیہڑے ڈکھ نُوں سینے اندر نپیا سی
ہولی ہولی سر اوہ چکدا جاندا اے
طلحہ بن سہیل
No comments:
Post a Comment
Note: only a member of this blog may post a comment.