ہُن چھیتی دوڑیں بُھلیا، ساڈی سُولی ٹنگی جان
تینوں واسطہ شاہ عنائت دا، نہ توڑیں ساڈا مان
اساں پیریں پا لئے کُنگھرو، ساڈی پاوے جِند دھمال
ساڈی جان لباں تے اپڑی، ہُن چھیتی مُکھ وکھال
ساڈے سر تے سورج ہاڑھ دا ،ساڈے اندر سیت سیال
بن چھاں ہُن چیتر رُکھ دی، ساڈے اندر پانبڑ بال
اساں مچ مچایا عشق دا، ساڈا لوسیا اِک اِک لُوں
اساں خُود نوں بُھلے سانولا، اساں ہر دم جپّیا توں
سانوں چِنتا چِیخا چڑاھون دی، ساڈے تِڑکن لگے ہڈ
پھڑ لیکھاں برچھی دُکھ دی ساڈے سینے دیتی کڈ
اساں تُر تُوں دُکھڑے چاھگدے ساڈے لکھیں لِکھیا سوگ
ساڈی واٹ لمیری دُکھ دی، ساڈے عُمروں لمے روگ
ساڈے ویھڑے پھوھڑی دُکھ دی، ساڈا رو رو چویا نور
ایہہ اوکڑ ساڈی ٹال دے، تیرا جیوے شہر قصور
غلام حسین ندیم
No comments:
Post a Comment
Note: only a member of this blog may post a comment.