اکلاپا
بے سُرتی وچ ویکھ لیا سی
اِک کلموہا سفنا
کھسماں کھانیاں اکھاں نے وی
رج شریکا پِٹیا
راہ وِچ رَت جگر دی روہڑی
پیریں چانن مِدھیا
دُکھ کلہنے ویری ہو گئے
ایہہ کھیکھن نہ مُکیا
لکھ چلتر، ٹونے کیتے
عشق دا ہڑھ نہ رُکیا
چندری رات وی اوکھی کَٹی
شوہدا دن وی سینتاں مارے
اپنے سر وچ کھیہہ کی پانی
میسنی چُپ وی دندیاں وڈے
کیہدی ماں نوں ماسی آکھاں
کیہدا کراں سیاپا؟؟
اونتر جانیاں یاداں تیریاں
ٹُٹ پینا اکلاپا
زعیم رشید
No comments:
Post a Comment
Note: only a member of this blog may post a comment.