میں اک رتی کو چِننگاں دی طلب دا جد گناہ کیتا
مینوں الغوزیاں ڈنگیا،۔ مینوں فیر بھیرویں پیتا
میں تیرے عشق دی اڈّی دے ہیٹھاں اکھ رکھ کے تے
ایہہ سینہ چیر دِتا سی، اجے تاہیوں وی نہیں سیتا
خورے مینوں وی پتھراں دی کسے بارش دی خاہش اے
تاہیوں دل حفظ کر لتی بلھے دے عشق دی گیتا
میں نڑیاں لے نڑڑ چھڈیاں میں چھیکو چھیک وی ہویاں
خورے کد ساہ پلاویں گا اوہ میریا بھولیا میتا
مینوں راون دے متھے وی کوئی تہمت نہیں لبھدی
پر ایہہ دل کُوکدا حیدر میری سیتا میری سیتا
نجم الحسنین حیدر
No comments:
Post a Comment
Note: only a member of this blog may post a comment.