ہُونجھی رکھ ایہہ گندی گرد گناہواں دی
جد تک بوکھر صحیح سلامت ساہواں دی
اکھاں دے وچ پا کے نِت ٹمکائی رَکھ
سُرمہ سمجھ کے مٹی اس دے راہواں دی
پیو نوں لُوکی دِھی دے ناں توں جاندے نے
بھیناں نال اے اج پچھان بھراواں دی
پُتر پالنے پے گئے دوجیاں ددھاں نال
بُھکھے مردیاں چھاتی سک گئی ماواں دی
روز رات نوں نویاں کھیڈاں ونہدی اے
پِنڈوں باہر، چِٹی کوٹھی شاہواں دی
شارب انصاری
خوشی محمد
No comments:
Post a Comment
Note: only a member of this blog may post a comment.