فیر اک واری مر کے ویکھاں
عشق سمندر تر کے ویکھاں
میں اپنے چیتے دا سُفنا
اوہدی اکھ اچ دھر کے ویکھاں
ویلا دوجا قدم نہ چکے
میں جے ہوکا بھر کے ویکھاں
مینوں اگلا ساہ نہ آوے
جے دنیا توں ڈر کے ویکھاں
تیری تاہنگ دی اگلی پھڑ کے
پندھ اوّلا کر کے ویکھاں
چن وصال دا ویہڑے ڈُھکے
اوہدے روپ نوں جر کے ویکھاں
جے اوہ آوئے اوہدا مکھڑا
صغرا ساہنواں بھر کے ویکھاں
صغرا صدف
صغریٰ صدف
No comments:
Post a Comment
Note: only a member of this blog may post a comment.