بُھکھ تریہ نوں جردا میں
کہڑی ساہ نہیں مردا میں
میں ہمتاں دا سورج آں
نھیرے توں نہیں ڈردا میں
اج تک گھر دے دیوے لئی
پِھرناں کیہ کیہ کردا میں
کھیڈ سی ساری سجناں دی
کیہ جِتدا کیہ ہر دا میں
لہو دیناں واں مِصرعے نوں
خالی رنگ نہیں بھردا میں
ڈُبیا رہناں سوچاں وچ
جِناں چِر نہیں تردا میں
بن کے نجمی بنیا واں
نوکر چن دے گھردا میں
سلیم نجمی
No comments:
Post a Comment
Note: only a member of this blog may post a comment.