چاء وی مر گئے موہ وی مر گئی
اک دُوجے دی کھوہ وی مر گئی
چلہے بلدی اگ ونڈیجی
فِر بابل دی پگ ونڈیجی
گُوڑھی سنگھنی چھاں ونڈیجی
چپا چپا تھاں ونڈیجی
یاد اے کنج کنج ماں ونڈیجی
اک دُوجے نوں کنڈاں کر گئے
کِلکاں، کِھلیاں ہاسے
اک ویڑھے دی رونق ساری
ہو گئی آسے پاسے
رُسے ہوئے سُکھ منان دی
رہی نہ سانوں جاچ
عمراں بھر لئی ونڈ چ ساڈی
کِنگھری گئی گواچ
ارشاد سندھو
No comments:
Post a Comment
Note: only a member of this blog may post a comment.