ہجرا تیرے قہر دے نال
میں لڑیا واں زِہر دے نال
آ فیر اوہندی گَل سُناواں
اج اک وکھری بحر دے نال
کُوک عشق نے ماری تے
سوہنی ٹُر پئی لہر دے نال
تیرے عشق نیں چانن کیتا
راتیں پچھلے پہر دے نال
اوہ جے میرا ہووے تے
لِکھ داں ساہواں مہر دے نال
پانی اُتے چن جُھکیا سی
پا لئی قُلی نہر دے نال
کچے کوٹھے کھا جاندا اے
پِنڈ نئیں وَسدے شہر دے نال
؟؟؟؟
No comments:
Post a Comment
Note: only a member of this blog may post a comment.