دکھ سن سارے گونگے بھولے اندر دے
اندر وڑ کے درد پھرولے اندر دے
آس دی تھوہنی نال مسیں میں ٹھلے نیں
ڈِگ پینے سی نہیں تے کھولے اندر دے
کُوکاں دیوچ ڈُب جاوے گی دھرتی وی
باہر نکلے جد وی رولے اندر دے
تُوں جے نہیں تے کہنوں شعر سناندا میں
اندرے رہ گئے ماہیے ڈھولے اندر دے
ہُن تے اپنا آپ وی میرے وس وچ نہیں
تیرے کولوں کیہڑے اوہلے اندر دے
ہنجواں بھاویں رج رج سِکاں لاہیاں نیں
دُکھ ایوب! نہ فِر وی بولے اندر دے
ایوب کموکا
No comments:
Post a Comment
Note: only a member of this blog may post a comment.