پنڈے اُتے لاسے غم دے
جُپے وچ کھراسے غم دے
لے بھائیا اسیں ٹُر چلے آں
سر تے بنھ مڑاسے غم دے
پانی دی تھاں اتھرو پیتے
لگدائے اسیں نواسے غم دے
خشیاں دا مضمون نہ کوئی
ساڈے کول خلاصے غم دے
جاواں کیہڑے پاسے ربا
پھنیئر آسے پاسے غم دے
کسراں ویڑھے وِچوں جاون
کڈھے کون نکاسے غم دے
دل دی تکڑی دے وچ تولاں
ارشد! چارے پاسے غم دے
حکیم ارشد شہزاد
No comments:
Post a Comment
Note: only a member of this blog may post a comment.