لوکیں مینوں کی کی سمجھن
اونہاں دی میں لگدی کی آں
میرے ماپیاں کولوں پچھو
جنہاں دی میں چنگی دھی آں
ماپیاں مینوں جم کے دتا
پالیا، پوسیا، وڈا کیتا
ہسیا ، کھیڈیا ، کھادا، پیتا
کپڑا، لتا اونہاں سیتا
گلیاں گلیاں پیر کسائے
راتاں لائیاں دن وی لائے
کھول مقدراں دا اے تالا
رب دے بہہ کے ترلے پائے
لو جی رخصت آن پئی جے
ما پیاں اندر جان پئی جے
دھی نوں گھل کے ڈھے گئے جے
ماپے دل تے لے گئے جے
لے نی دھیے ٹھنڈاں پا دے
ساڈے دل تو فکراں لا دے
گل نا لگ کے دھی رو پئی اے
ویکھن لگدی ادھی جئی اے
چل نی دُھیے چُپ کر سہہ لا
دو چار گھڑیاں ہوؤکے لے لا
ما پے تینوں چھڈ نئیں دینا
چار دیہاڑے ایتھے رہ لا
ماں دی گل نوں پلو بندھ لے
گھر وسانے اوکھے نئیں آں
دُھیے مرنا پئے جاندا ای
ایڈے پینڈے سوکھے نئیں آں
ناعمہ عزیز
No comments:
Post a Comment
Note: only a member of this blog may post a comment.