اکھر ڈاہڈے جھُردے پئے نیں
ہوئے ارمان افسُردے پئے نیں
سدھے راہ تے لاون آلے
پٹھے راہ تے ٹُردے پئے نیں
پانی وچ جیویں کھردا لون اے
سکے ساک انج کُھردے پئے نیں
غرض دے کلرونیت دے کچے
لے بُھر بُھر کے بُھردے پئے نیں
چھیڑو لمیاں تان کے سُتے
باہرلے وگ نوں ہُردے پئے نیں
پھٹ وچوں کچ لہو دے وانگوں
دکھ اندر دے سُردے پئے نیں
ہک بھرا بختاں وچ مست اے
ہک دے وکدے گُردے پئے نیں
سُتے گُل ضمیر انج ساڈے
جیوں قبراں وچ مُردے پئے نیں
غلام حسین گُل تارڑ
No comments:
Post a Comment
Note: only a member of this blog may post a comment.