ساہواں ٹوٹے ٹوٹے ہوئیاں، جُثہ لِیر و لِیر
اکھ دریاؤں وکدے پئے نے کنڈھیاں تیکر نیر
اج وی کیدو پیار دا دُشمن چُوریاں کھوندا پھردا
اج وی بیلے دے وِچ کُوکے رانجھن رانجھن ہیر
تیری جنت بھانویں جِنی سوہنی ہوسی ربا
پر اوتھے پنجاب نہیں ہونا، نہ ہونا کشمیر
میں وی خورے کیہڑے تخت ہزارے وِچوں پُٹھیا
خورے کیہڑے جھنگ اِچ وسدی میں من دی ہیر
اعظم توقیر
No comments:
Post a Comment
Note: only a member of this blog may post a comment.