چار چفیرے اٹھ اٹھ ویکھاں توں نہ لبھیں کیہ کراں
کہنوں دساں دل دیاں گلاں، توں نہ لبھیں کیہ کراں
اڈدے پنچھیاں کولوں پچھاں کوئی نہ دسے تیرا حال
کتھواں لواں تیرا سرناواں، توں نہ لبھیں کیہ کراں
تیرے لئی میں پاؤڈر لانواں سرمہ پانواں تیرے لئی
تیرے لئی میں ڈیرے جاواں، توں نہ لبھیں کیہ کراں
تیریاں سوچاں ڈب ڈب سوچاں گلاں تیریاں کراں نہ تھکاں
چم چم تیری فوٹو رکھاں، توں نہ لبھیں کیہ کراں
پیراں دے وچ چھالے پے گئے، ٹر ٹر یوسف تیرے لئی
تینوں لبھیا توں نہ لبھا،، توں نہ لبھیں کیہ کراں
یوسف عالمگیرین
No comments:
Post a Comment
Note: only a member of this blog may post a comment.