ساہمنے جے تِرے سوا کوئی نئیں
دل دے اندر وی دوسرا کوئی نئیں
کِتھے در چھوڑ کے تِرا جائیے
کدھرے وی تے تِرے جہیا کوئی نئیں
اوس بے مثل دی اے دین، ایہ درد
درد وی اوہ، جِہدی دوا کوئی نئیں
جلوہ تکیا اے تیرے حُسن دا میں
کسِ طرحاں کہہ دواں خدا کوئی نئیں
بول اوہ، دل تِرا جو چاہندا اے
کیہ تِرا اپنا فیصلا کوئی نئیں؟
ڈھونڈ لینی پتنگیاں نیں شمع
کول بھاویں اتا پتا کوئی نئیں
جان والے لئی نہ رو شہزاد
کون ایتھے سدا رہیا،کوئی نئیں
شہزاد اسلم
No comments:
Post a Comment
Note: only a member of this blog may post a comment.