ظلم دے اُچے میناراں کوں
سُتی قوم دے بیماراں کوں
اوپرے حاکم کرتاراں کوں
کُوڑے کوٹ دے دیواراں کوں
سنگتی ساتھی حُبداراں کوں
دُھر دے گُنگے زرداراں کوں
نواباں کوں سرداراں کوں
روویں چیکیں زور دا باکیں
میڈے واروں اتنا آکھیں
پھٹ جگر دے سیون ڈیوو
خود جوگا کجھ تھیون ڈیوو
ہن تاں ساکوں جیون ڈیوو
جہانگیر مخلص
No comments:
Post a Comment
Note: only a member of this blog may post a comment.