اے بادشاہیں دے بادشاہ ہن میڈے بھرا ہن
جیڑہے مخالف دے پارسا ہن میڈے بھرا ہن
ہے میڈی عادت میں سچ الینداں تہوں نی بھاندا
اے رنج میں تے جو خواہ مخواہ ہن میڈے بھرا ہن
عجیب گال اے مفاد کیتے کھڑن تھئے اوڈوں
اے میڈے دشمن دے خیر خواہ ہن میڈے بھرا ہن
اے آنے ٹکے پچھوں ویچیندے ودن جو غیرت
ودے ویچیندے جو میڈے ساہ ہن میڈے بھرا ہن
کئی چندری عورت دے وانگے اکثر میڈے گلے
ودے کریندے جو جاہ بجا ہن میڈے بھرا ہن
میکوں ڈھہاونڑ دے کیتے دشمن دے پیریں ڈہہ گن
اگوں تے ڈھداں کریندے کیا ہن میڈے بھرا ہن
کتھاں ہئی دشمن دی اتنی جرآت جو گھاٹے ڈیندا
مریندے نواں جو روز داء ہن میڈے بھرا ہن
خدا تاں میڈے ہے نال شازم میں کلہا کینی
اے تھئے ودے جو میں تے بھاہ ہن میڈے بھرا ہن
نامعلوم
No comments:
Post a Comment
Note: only a member of this blog may post a comment.