بھیڑا کیتا
نہ میں تیرا جھگا بھنیا
نہ میں تیرے ڈھگے کھولے
نہ میں تیریاں ڈاگاں نوں کدیں بھیڑا تکیا
نہ میں تیرا لاگھا ڈکیا
نہ میں تیرے ایرے پٹے
نہ میں تیریاں کدھاں ڈھائیاں
نہ میں تیرا پانی بنھیا
نہ میں تیرے رُکھ وڈھائے
نہ میں تیرا بھونہہ چوایا
نہ میں تیری یگ تے ہسیا
نہ میں تیرے سجن چوری کیتے
نہ میں تیرے ویری کول بہائے
نہ میں تیرے اگے آیا
نہ میں تیری آکڑ بھنی
میں بس اپنے دل دی منی
میریاں ایہناں عملاں نے وی
تینوں مت نئیں دِتی
اُلٹا تینوں چیڑا کیتا
لگدا اے میں بھیڑا کیتا
معین نظامی
No comments:
Post a Comment
Note: only a member of this blog may post a comment.