ایتھے خورے کیہ ہونائے
آہلنیاں دے وچ وچارے
سہمے سہمے پنچھی سارے
بجلی مارے پئی لشکارے
ایتھے خورے کیہ ہونائے
کوئی رات نہ جائے خالی
سفنے اندر دین وخالی
لمی پوشل والے تارے
ایتھے خورے کیہ ہونائے
لوکاں نوں کیہ ہوندا جاوے
بندے جاون ہول بڈاوے
اک دوجے تھیں پچھن سارے
ایتھے خورے کیہ ہونائے
کیہڑی ہونی دے پرچھاویں
انو بہن نہ دین اس تھانویں
ہر کوئی باہر اڈاری مارے
ایتھے خورے کیہ ہونائے
انور مسعود
No comments:
Post a Comment
Note: only a member of this blog may post a comment.