پنجابی پوٹھواری پوٹھوہاری پہاڑی شاعری
سوہنا پاکستان
می کی اپنی جان تھیں پیارا سوہنا پاکستان
مہھاڑی اکھیاں ناں اے تارا سوہنا پاکستان
سونے جہی اے مٹی اس نی، منظر پیارے پیارے
دنیا وچ جنتے ناں نظارا سوہنا پاکستان
مظلوماں تہ مجبوراں کی دتا اس ٹھکانہ
بے کہھر لوکاں ناں اے سہارا سوہنا پاکستان
پہھائیاں وانگر رہنے ایتھے کئی نسلاں نے بندے
کئیاں تہذیباں ناں دھارا سوہنا پاکستان
آزادی نی خاطر دتیاں لکھاں بندیاں جاناں
تاں جائی کے ایہہ چمکیا تارا سوہنا پاکستان
جتنیاں چالاں پاویں چلے مہھاڑے دیس ناں دشمن
فر وی رہسی اس پر پہھارا سوہنا پاکستان
فاروق جرال
No comments:
Post a Comment
Note: only a member of this blog may post a comment.