جدید پنجابی شاعری
کس ظالم نے بنھے پیر اسیراں دے
ہلکے پے گئے سنگلاں اتے زنجیراں دے
حق سچ نوں ایہہ توڑ نہ چڑھنے دندے نے
کیدو خون تہائے اج وی ہیراں دے
خاک اے اُڈدی اکثر راج مہلاں وچ
رونق اوہو ڈیرے پیر فقیراں دے
اینا ننگ نموش جو ویچن نکلے نے
ربا! بس نہ پاویں بانجھ جمیراں دے
چنگے لوک تے لے جانے امواتاں نے
پچھے رہ جانے نے کھدو لیراں دے
دولت دا پرچھاواں ڈھلدا رہندا اے
بھاگ نہ دیون ساتھ سدا امیراں دے
اپنا اپنا قبلہ،۔ اپنا کعبہ اے
وکھو وکھرے ڈھونگ رچائے پیراں دے
سایہ پا دندے نے شاہ ہماواں دا
بولے شارب مِٹھڑا نال وزیراں دے
شارب انصاری
خوشی محمد
No comments:
Post a Comment
Note: only a member of this blog may post a comment.