جدید پنجابی شاعری
منقبت
مشکل کھول خدایا میری صدقہ پیر گیلانی دا
میں قربان تے ماں پیو میرے اس دے ہر ہر وال کنوں
سارے جگ نوں گھول گھمانواں اس دے خال، خیال کنوں
چن فلک دا صدقہ کیتا اس دے حسن جمال کنوں
ملیا تاج حضوروں جس نوں ولیاں دی سلطانی دا
مشکل کھول خدایا میری صدقہ پیر گیلانی دا
منکر اس دے دوہیں جہانیں کیتے رب منہ کالے نی
جیہڑے حکم نہ منن اس دا شیطاناں دے سالے نی
تابعدار مرید میراں دے وڈے نصیباں والے نی
ہر مشکل وچ رب اوہنان نوں بخشے راہ آسانی دا
مشکل کھول خدایا میری صدقہ پیر گیلانی دا
میں آیاں پکڑ وسیلہ اس دا وچ درگاہ سوالی ہاں
یا رب ہر گندے تھیں گندا میں پر عیب پلالی ہاں
کوئی عمل نہ چنگا میرا سب عملاں تھیں خالی ہاں
بخشش ہر اک عیب جنابوں میں عاجز نقصانی دا
مشکل کھول خدایا میری صدقہ پیر گیلانی دا
مولوی محمد دلپذیر بهیروی
No comments:
Post a Comment
Note: only a member of this blog may post a comment.