جدید پنجابی شاعری
اج وی اکھّ وچاری باؤ
کھول کے بیٹھی باری باؤ
تینوں لے کے آندی نہیں جو
سڑ جاوے اوہ لاری باؤ
خورے تینوں یاد نہیں آندا
رب وی میری واری باؤ
تیرے شعراں وِچ میں ڈِٹھّی
اکھراں دی پُھلکاری باؤ
جِسراں ونگاں بھن دیندا سیں
توڑ نہ دیویں یاری باؤ
وصلوں پہلاں مر نہ جاواں
میں لیکھاں دی ماری باؤ
رب توں بعد تِری آں ظفری
میں ساری دی ساری باؤ
ظفر اعوان
No comments:
Post a Comment
Note: only a member of this blog may post a comment.