نہ ہے راجہ تے نہ کوئی رانی ہے

 پنجابی سرائیکی شاعری

نہ ہے راجہ تے نہ کوئی رانڑی ہے

ایں دفعہ کوئی نویں کہانڑی ہے

کھادی ویندی ہے ہکے پاسے کوں

مونجھ ہک اکھ توں لگدے کانڑی ہے

ڈھیر گالھا ہیں میڈا بچڑاں توں

اماں دُنیا وڈی سیانڑی ہے

توں امیریں دو ڈھیر بھجدی ہیں

تیڈی دولت میں رگ سُجانڑی ہے

لوک اُویں دے اُویں مِٹھے ہن

توڑے وستی دا کھارا پانڑی ہے

ہر قدم تے ناکام تھئے واقف

جئیں وی غفلت دی سیجھ مانڑی ہے

مناف واقف