جدید پنجابی سرائیکی شاعری
نسلیں دا اعتبار ہا، نئیں رہ گیا
خان کجھ بیدار ہا، نئیں رہ گیا
ہُنڑ تیڈی وستی ہے جی ہا دا ہجوم
وستی ہک انکار ہا، نئیں رہ گیا
رات دے سینے تے ہُنڑ کُئی داغ نئیں
چندر دا کردار ہا، نئیں رہ گیا
ہُنڑ میڈا چہرہ نئیں، تھل دی ریت ہے
ہک سمندر تار ہا، نئیں رہ گیا
ہُنڑ تیڈی مرضی ! تیڈا اختیار ہے
آپ تے اختیار ہا، نئیں رہ گیا
فریاد ہیروی
No comments:
Post a Comment
Note: only a member of this blog may post a comment.