جدید پنجابی شاعری
کیہ لِخدے کی پڑھدے سارے
رہ گئے بُھکھ نال لڑدے سارے
جے کر رُکھ نہ وڈھے ہُندے
دُھپ وچ اج نہ سڑدے سارے
جس ویہڑے نے ویہڑا کھادھا
اس ویہڑے نہ وڑدے سارے
کاش نہ جھڑدے پھل باغاں وچ
گھر تیرے وچ جھڑدے سارے
اپنی اپنی غلطی مندے
غلطی تے نہ اڑدے سارے
جےکر میں وی جھوٹا ہندا
میرے نال وی کھڑدے سارے
جے توں عاکف نال کھلوندا
تیری بانہہ نہ پھڑدے سارے
عاکف غنی
No comments:
Post a Comment
Note: only a member of this blog may post a comment.