ش شرم آؤندی اَے مینوں
کہ تُہاڈا رشتہ دار ہاں میں
تُساں رل چالاکیاں کِیتیاں
جِیویں تُہاڈا جُرم دار ہاں میں
تُساں لج نہ رکھی پُرکھاں دی
جِنہاں دا راز دار ہاں میں
تُہانوں کھا گئیاں اپنیاں لالچاں
ایس گل تُوں شرمسار ہاں میں
او میرا کوئی تے قَصور دسو
تُہاڈی وجہ تُوں آوازار ہاں میں
تُسی ورھیاں تُوں کردے رے ٹُونے
کی تُہاڈا جُرمدار ہاں میں؟
تُسی کسر نہ چھڈی اپنے ولوں
تُہاڈے کسباں تُوں واقفکار ہاں میں
ثبوت سارے دیساں تُہاڈی کِیتیاں دے
کیونکہ تُہاڈا ہی رشتہ دار ہاں میں
تُہاڈی ہِک نہ چلی میرے تے
سوہنے رب دا شُکر گزار ہاں میں
تُساں اپنی اپنی لالچ خاطر
کھیڈی کھیڈ جو تُساں ورھیاں تُوں
اوس کھیڈ دے سارے کِھلاڑیاں دے
ہِک ہک چہرے دا واقفکار ہاں میں
تُساں رکھیا نہ بھرم وڈکیاں دا
پر وڈکیاں دا تابعدار ہاں میں
تُسی بُھل گئے ہو شرم و حیا نُوں وی
اپنے پُرکھاں دا وفادار ہاں میں
ش شرم آؤندی اے مینوں
کہ تُہاڈے جئیاں دا رِشتہ دار ہاں میں
عدیل احمد
No comments:
Post a Comment
Note: only a member of this blog may post a comment.