جدید پنجابی شاعری
راتیں وی نئیں ڈھلدا سورج
ساڈے پیار دا بلدا سورج
ساہ دے وانگوں بے اعتبارا
پل دا چانن پل دا سورج
خورے کیہڑا رنگ وکھاوے
آون والا کل دا سورج
ویکھ کے اوہدے مکھ دی لالی
مڑ مڑ اکھاں ملدا سورج
میرے ول اے رات ہنیری
سجناں تیرے ول دا سورج
اوہدی اکھ وچ چانن جہیڑا
اوہدے نال نہ رلدا سورج
میتھوں بدلہ لیندا عنبر
خورے کہڑی گل دا سورج
فرحانہ عنبر
No comments:
Post a Comment
Note: only a member of this blog may post a comment.