پنجابی عارفانہ کلام
ربا کر نظراں التفات دیاں
کھول دے گُنجلاں حیات دیاں
حشر دیہاڑے پُچھناں پُچھیں توں
ہمتاں ویکھ کے بسات دیاں
اکّو جیہاں رحیمی نال کریں
گھاٹیاں وادھیاں برات دیاں
ستراں ماواں تو ودھ لُکایاں نیں
بھیڑیاں چنگیاں کم ذات دیاں
دے کے ماہی عرب دا دسیا ای
کول جے کنجیاں نجات دیاں
کیتیاں نیں تِرے علیؑ آ کے
مُشکلاں دور مُشکلات دیاں
نال رب دی رضا دے جُڑیاں نیں
خُوشیاں عمران کاٸنات دیاں
عمران شریف
No comments:
Post a Comment
Note: only a member of this blog may post a comment.