پنجابی عارفانہ کلام
اینج دا جوڑ، جوڑ وے سائیں
روے کوئی نہ تھوڑ وے سائیں
جِیندے جی تیرے پَیراں نوں چُمّاں
ککھوں ہوواں کروڑ وے سائیں
کافی اے تیرے نام دی رونق
بھاویں جگ جائے چھوڑ وے سائیں
توں وی ودھ ودھ کرم کماؤناں ایں
ودھدی جاندی جے لوڑ وے سائیں
جِت لے توں میری سوچ دا کعبہ
شرک دے بُت نوں توڑ وے سائیں
اپنی قُربت دا بھانویں اک پل کر
عمر میری نچوڑ وے سائیں
سانبھ عمران نُوں شفاعت نال
سامنے اوکھا موڑ وے سائیں
عمران شریف
No comments:
Post a Comment
Note: only a member of this blog may post a comment.