جیہڑے دُور پیارے ہو گئے
اوہ امبراں دے تارے ہو گئے
جد میں اُس نال یاری لائی
دُشمن لوکی سارے ہو گئے
قسمت نے جد گیڑا دِتّا
لوکی قَد توں نینْویں رہ گئے
اُچے محل منارے ہو گئے
رُکھاں کولوں وا نئیں لبھدی
ساہ وی ہُن تے لارے ہو گئے
گبھرُو شہراں وَلّے ٹُر گئے
سُنجے پِنڈ دے دارے ہو گئے
کمراں، وانگ کماناں ہوئیاں
دُکھ جِسماں توں بھارے ہو گئے
کِیہ کِیہ شکلاں والے سوہنے
مِٹیو مِٹی سارے ہو گئے
پِنڈاں دے وِچ پیار نئیں گوہرؔ
مِٹّھے کُھوہ ہُن کھارے ہو گئے
امتیاز علی گوہر
No comments:
Post a Comment
Note: only a member of this blog may post a comment.