دل نُوں کِنج ہُن لانواں ربّا
اُٹھیا ماں دا چھانواں ربّا
مینُوں وِچھڑی ماں تُوں دے دے
منگاں روز دُعانواں ربّا
ماں دے ہتھ دی چُوری چنگی
جے کر وِچھڑی ماں مِل جاوے
واجاں مار بُلانواں ربّا
ماں دے باہجوں سُکھ نئیں لبھدا
کِتھے ہُن میں جانواں ربّا
جے کر ماں دا سایہ ہووے
نٹھدیاں دُور بُلانواں ربّا
ماں دے باہجوں کاہدا جِینا
پَل پَل عُمر لنگانواں ربّا
امتیاز علی گوہر
No comments:
Post a Comment
Note: only a member of this blog may post a comment.