بھلِیے لوکے
بھلا کیہڑے موڑ کھلوسی وَگدا پانی
کیہڑے ویلے پوری ہوسی
اکّھاں دی مزدوری
کیہڑے ویلے سینے ٹُرسی
سجناں دی خُشبو
بھلِیے لوکے
نہ رویا کر گَھت گَھت مَنجیاں ویہڑے
نہ کیتا کر روز دعائیں فجرِیں
نہ تکیا کر چُک چُک اَڈیاں شامِیں
اِنج نئیں تینڈیاں ساہنواں بَنھ لے اَونے
اِنج نئیں ازل گواچے واپس اَونے
جیہڑے بُھل بھلیکھے
تینڈیاں خاباں وِچوں نکلے
نِت پئے کافر ہونے
محمود اعوان
