آخری دِن
نِت سورج پئے چڑھنے اِتّھے
نِت چھاواں دُھپ اوہلے کرنی
نِت گلیاں وِچ بُوہے کُھلنے
دُور گئیاں دی آس اِچ
نِت اکّھاں وِچ بارش ہونی
شام کہانی سُن کے
روز دیہاڑا، روز دیہاڑے وانگر ہونا
تینڈے کول اوہ کُنجی ہونی
کُھلنے جس نال دل درداں دے تالے
پھِرنا جس دے نال دِناں دا پہیہ
لتھ پَینا اوہ دِن جیہڑا
تینڈی وِینی اُتّے لِکھیا مینڈیاں ہتّھاں
جِس ویلے اوہ دِن لتّھے گا اڑئیے
اوس ویلے میں تینڈے نال نئیں ہونا
محمود اعوان
