اَج دی رات اخِیر
اَج دی رات اخِیر، وے رانجھن
قِصّہ بَن جاؤُ ہِیر
ڈھاواں مارَن گے ہُن بیلے
کَھیہہ اُڈاون گے اوہ ویلے
جِنھاں دے اوہلے اِک مِک ہوئی
اَج دی رات اخِیر
جاندِیاں گَھڑِیاں ڈنگدِیاں جاون
آونیاں گَھڑِیاں اُڈدِیاں آون
جاندِیاں آوندِیاں گھڑِیاں مِل کے
ڈنگ گھتّی تدبِیر، وے رانجھن
اَج دی رات اَخِیر
آخری واری درد ونڈا لَے
ہِیر دے پیار نُوں ہِک نال لا لَے
دِن چڑھدے تائیں کِھلر جاسی
ساہواں دی زنجِیر، وے رانجھن
اَج دی رات اخِیر
احمدؔ راہی
No comments:
Post a Comment
Note: only a member of this blog may post a comment.